Léif Scoutsfrënn, 

Ech sin grad an engem Fussballsdilemma; ech wees net wéi en Fussballsmatch ech kucken soll! Engersäits wéilt ech gäeren mengem Lieblingsveräin beim gewannen nokucken: Inter vs Fiorentina. Aanerersäits wéilt ech den clàsico net verpassen: Real Madrid vs Barcelona.

Kuerzerhand hun ech lo einfach beschloss, guer keen Fussball ze kucken, an amplaaz eisen site up-to-date ze setzen. 
Iwwermuer fänkt d'Schoul nees un, iwwermuer fänkt also och offiziell daat drëtt Trimester un. Mir hoffen dir hudd ierch an der Vakanz gudd erholl!
D'Ouschtercamp'en sin reibungslos iwwert d'Bühn gaang, an sou hoffen mer dass daat drëtt Trimester och genau sou gudd goen wäert. Vill flott an spannend Aktivitéiten sin am drëtten Trimester programméiert.
Hei as en klengen Resumé, mat den place-to-be fir d'Kiewerlecken am drëtten Trimester:
An zwou Wochen hëllefen d'Kiewerlecken um Télévie, hei zu Stroossen; 5 Deeg drop ass d'Ausstellung an der City Concorde.
Dann feelt net méi laang, an schon ass d'Péngschtvakanz mam Kigruca. Nom Kigruca, ass am Juni den Volleyballstournoi vun den Kiewerlecken. Dann kënnt Ufank Juli d'Scoutskiirmes, an den Pow-Wow zu Munnerëf.
An fir d'Joer gudd ofzeschléißen gin d'Kiewerlecken fir zwou Wochen an Spuenien.

Mir hun also vill vir, fir dëst Trimester, an hoffen dass dir genau sou motivéiert sidd wéi d'Cheffenéquippe. 

Bis demnächst,
Pélé.

D'Kiewerlecken wënschen all hiren Memberen an Sympathisanten eng schéin an erhuelsam Vakanz! 

An der Vakanz fannen keng Versammlungen statt. D'Branchenresponsablen sin awer weiderhin per Telefon oder e-mail areechbar. 

 Bis um Ouschtercamp beziehungsweis bis no der Vakanz,
Deng Cheffen.